الرئيسية
أحدث الصور
التسجيل
دخول
من طرف فيه ناسات منكم قد شفتهم ،، وفيه ناس قد تعاملت معهم ،،
وفيه ناس لا شفتهم ولا تعاملت معهم .. كلكم بسألكم سؤال وجاوبوا بصراحة
صدق أنا قروية
/
ترا اللي فوق مقدمة
ندخل للموضوع بسم الله وعلى بركة الله
يُقال عني إني قروية ،، طبعا معايير القرونة أو الهيلقة على قول الكويتيين تختلف من شخص إلى آخر ..
ليش قيموني إني قروية ..!!
لعدة أسباب:
بعضها احتفظ فيها لنفسي ،، واللي ودهـ أقول عادي ما عندي مشكلة ..
وبعضها عشاني استخدم أمثال شعبية كثيرة ..
وهـ يا لبّي الأمثال الشعبية ..
تبرّد تسبيدتك وتطلع اللي في خاطرك في أقصر وقت ممكن ..!!
بأبداها بآخر مثل استخدمته ،،
يقول/
امسك قردك لا يجيك أقرد منه .!!
ويطلق على اللي عندهـ بلوى وودهـ يطلع منها ويدور بدائل ويوصونه على إنه يجلس عليها لا يجيه أفضع !!
.*
حتسين في الماضي نقصان في العقل ..
ويطلق على إذا بدا الواحد يحتسي في أمور ماضيه وانتهت يقولون ذا المثل عشان يوقف ويستخلف الله وكذا ..!!
*.
حشر مع الناس عيد ..
ويطلق على إن الواحد يلزم الجماعة أزين له وكذا !!
.*
الغضارة بالغضارة طعمة الرملا خسارة ،،
ويطلق على إني إذا بأعطي أحد نقصه على قول الكويتيين لازم أدور أحدن يعطيني ويردها لي واللي يطعم الرملا تراه خسران لأنها اللي هي الرملا يا حيل الله ما لهم عايل وبالتالي حلّم يجيك منها نقصتن أخرى ..!!
*.
شبكة تعيّر منخل ..
ويطلق على أن الشبكة اللي مليانة فتحات تعيّر المنخل اللي مثلها أبد مهنا فرق
*.
أحر ما عندي أبرد ما عندهـ
ويطلق على اللي شايش ومدّهر من الحرارة ،، واللي قدامه بارد ومتطامن ومآخذن روحه بالسّعه
.*
أكل ومرعى وقلة صنعة
ويطلق على اللي ما له أي هدف في الحياة
*.
استر على ما واجهت
في الغالب أسمعه إذا هببوا الناس وادّهروا ومانوا على بعضهم وجوا يتفرقون ،، قالوها يعني استروا على ما جاكم منّا
وقد تطلق على مواضع أخرى إذا كان عندك إلقاء ومستحي من الشعبة تتهزأ قدامهم ،، فتقولها بس تقول استروا على ما سوف تواجهون
*.
إذا حجت البقر على قرونها ..
ويطلق على إذا ألحوا البزران وقالوا متى تشتري لنا
وأنت مستحيل تشتري ترد/ إذا حجت البقره على قرونها ويدل على إنه مستحيل إلا إن حجت البقره وهي مستحيل تحج لا وبعد على قرونها
.*
قدر الشراكة ما يفوح ..
ويطلق على إن بعض الفعاليات الجماعية مستحيل تتم
.*
إن ما طاعك الزمن طْعَهْ
يعني عليك إنك تصير مثل الفلزات إن جتك الأمور اللي تبي وإلا الشكوى على الله
.*
إذا طاح الجمل كثرت سكاكينه
ويطلق على الأمر إذا صار إلى ضعف فإن الآخرين يستغلون الفرص وكذا ويسوون أشياء خطأ ما كانوا يقدرون يسوونها قبل
.*
شين وقوي عين
إذا صار الواحد ما عندهـ سالفة يقولونها إنه زودن على ما هو شين يستهبل وكذا << بحلت بروحي
.*
مقابل الجيش ولا مقابل العيش
إذا حطوا الأكل وفيه أحد ما بعد جا ،، يقول واحد ذا المثل بحيث إنه سمّوا لا تقابلون الهمّه وتقوطر سعابيلكم
.*
اللي يبينا عيّت النفس تبغيه ،، واللي نبيه عيّا البخت لا يجيبه
وهذا من قصيدة مشهورة لنورة الحوشان ،، يعني اللي يبينا وودهـ فينا مرهـ ما نبيه واللي حنا شفقين عليه ما جابه الحظ بتاعنا ..
*.
اللي في القدر تطلعه الملاّس
يعني لا تشتطون ،، مصير العلوم تطلع
*.
اللي يجي من الله حيّاهـ الله
وهو مناسب للتسليم بالقضاء والقدر
\
وفيه ناس لا شفتهم ولا تعاملت معهم .. كلكم بسألكم سؤال وجاوبوا بصراحة
صدق أنا قروية
/
ترا اللي فوق مقدمة
ندخل للموضوع بسم الله وعلى بركة الله
يُقال عني إني قروية ،، طبعا معايير القرونة أو الهيلقة على قول الكويتيين تختلف من شخص إلى آخر ..
ليش قيموني إني قروية ..!!
لعدة أسباب:
بعضها احتفظ فيها لنفسي ،، واللي ودهـ أقول عادي ما عندي مشكلة ..
وبعضها عشاني استخدم أمثال شعبية كثيرة ..
وهـ يا لبّي الأمثال الشعبية ..
تبرّد تسبيدتك وتطلع اللي في خاطرك في أقصر وقت ممكن ..!!
بأبداها بآخر مثل استخدمته ،،
يقول/
امسك قردك لا يجيك أقرد منه .!!
ويطلق على اللي عندهـ بلوى وودهـ يطلع منها ويدور بدائل ويوصونه على إنه يجلس عليها لا يجيه أفضع !!
.*
حتسين في الماضي نقصان في العقل ..
ويطلق على إذا بدا الواحد يحتسي في أمور ماضيه وانتهت يقولون ذا المثل عشان يوقف ويستخلف الله وكذا ..!!
*.
حشر مع الناس عيد ..
ويطلق على إن الواحد يلزم الجماعة أزين له وكذا !!
.*
الغضارة بالغضارة طعمة الرملا خسارة ،،
ويطلق على إني إذا بأعطي أحد نقصه على قول الكويتيين لازم أدور أحدن يعطيني ويردها لي واللي يطعم الرملا تراه خسران لأنها اللي هي الرملا يا حيل الله ما لهم عايل وبالتالي حلّم يجيك منها نقصتن أخرى ..!!
*.
شبكة تعيّر منخل ..
ويطلق على أن الشبكة اللي مليانة فتحات تعيّر المنخل اللي مثلها أبد مهنا فرق
*.
أحر ما عندي أبرد ما عندهـ
ويطلق على اللي شايش ومدّهر من الحرارة ،، واللي قدامه بارد ومتطامن ومآخذن روحه بالسّعه
.*
أكل ومرعى وقلة صنعة
ويطلق على اللي ما له أي هدف في الحياة
*.
استر على ما واجهت
في الغالب أسمعه إذا هببوا الناس وادّهروا ومانوا على بعضهم وجوا يتفرقون ،، قالوها يعني استروا على ما جاكم منّا
وقد تطلق على مواضع أخرى إذا كان عندك إلقاء ومستحي من الشعبة تتهزأ قدامهم ،، فتقولها بس تقول استروا على ما سوف تواجهون
*.
إذا حجت البقر على قرونها ..
ويطلق على إذا ألحوا البزران وقالوا متى تشتري لنا
وأنت مستحيل تشتري ترد/ إذا حجت البقره على قرونها ويدل على إنه مستحيل إلا إن حجت البقره وهي مستحيل تحج لا وبعد على قرونها
.*
قدر الشراكة ما يفوح ..
ويطلق على إن بعض الفعاليات الجماعية مستحيل تتم
.*
إن ما طاعك الزمن طْعَهْ
يعني عليك إنك تصير مثل الفلزات إن جتك الأمور اللي تبي وإلا الشكوى على الله
.*
إذا طاح الجمل كثرت سكاكينه
ويطلق على الأمر إذا صار إلى ضعف فإن الآخرين يستغلون الفرص وكذا ويسوون أشياء خطأ ما كانوا يقدرون يسوونها قبل
.*
شين وقوي عين
إذا صار الواحد ما عندهـ سالفة يقولونها إنه زودن على ما هو شين يستهبل وكذا << بحلت بروحي
.*
مقابل الجيش ولا مقابل العيش
إذا حطوا الأكل وفيه أحد ما بعد جا ،، يقول واحد ذا المثل بحيث إنه سمّوا لا تقابلون الهمّه وتقوطر سعابيلكم
.*
اللي يبينا عيّت النفس تبغيه ،، واللي نبيه عيّا البخت لا يجيبه
وهذا من قصيدة مشهورة لنورة الحوشان ،، يعني اللي يبينا وودهـ فينا مرهـ ما نبيه واللي حنا شفقين عليه ما جابه الحظ بتاعنا ..
*.
اللي في القدر تطلعه الملاّس
يعني لا تشتطون ،، مصير العلوم تطلع
*.
اللي يجي من الله حيّاهـ الله
وهو مناسب للتسليم بالقضاء والقدر
\
